1T4 REGISTRES

qui tiennent fiefz ou arrierefiefz demourans en icelle ville. En obeyssant ausquelles, nous sommes assemblez en l'Ostel de la Ville où s'est trouvé mond. s^rle president, qui a grandement remonstré vostre vouloir, auquel mettrons peine obeyr à nostre povoit' comme voz bons et loyaulx subgectz.

"Sire, depuis la reception de vozd. lettres a esté publié vostre ban et arriereban en ceste vostred. ville en y comprenant privilegiez et non privilegiez. Nous ne savons sy vostre plaisir est vous servir des habitans d'icelle, tenans fiefz ou arrierefiefz, hors la ville : qui seroit la desnuer totallement de deffence.

«A ceste cause, Sire, vous supplions, tant et si trés humblement que faire povons, qu'il vous plaise, en ensuyvant l'amour et bon vouloir que avez de tousjours eu en vostred. ville, vostre plaisir soit que le service qu'ilz doivent à vostre ban et arriereban soit pour vous servir à la garde et deffence de ceste vostred. ville de Paris, qui est la capital de vostre Royaulme, selon la valeur et estimacion de leursd, fiefz et arrierefiefz.

"Sire, nous prions Dieu le Createur qu'il vous doint trés bonne vie et longue en prosperité et santé.

" A Paris, le xxiii⁰ jour d'Avril. »

Et au dessoubz est escript :

"Voz trés humbles et trés obeyssans subgectz les Prevost des Marchans et Eschevins de vostre bonne ville de Paris. -

Ainsi signé : J. Hesselin.

Et au dessus :

Au Roy nostre souverain Seigneur.

Ensuit la teneur des lettres escriptes à mons" le Chancelier:

Teneur des lettres escriptes à mons^1, le Chancelier

touchant lad. fortifficacion de la vllle

et autres choses.

23 avril.

"Nostre trés honoré et redoubté seigneur, tant humblement que faire povons à vostre bonne grace nous recommandons.

"Mons^r, nous avons receu lettres du Roy portans creance en la personne de mons' le premier president touchant l'artillerie, recharche, réparacions et for-

DU BUREAU [1512]

tifficacions que led. S^r veult eslre faiz en ceste ville de Paris, et aussi des services que lui doivent les habitans d'icelle tenans fiefz et arrierefiefz.

"Mons^r, nous avons sur ce fait assemblée en l'Ostel de la ville des Conseillers et Quarteniers d'icelle, et appellé les maistres et gardes des confraries et com-munaultez qui s'y sont trouvez en grant nombre, ausquelz mond. s^r le president a bien amplement exposé le vouloir et intencion du Roy, en persuadent ung chascun specialement quant au fait de l'artillerie d'entendre à s'y employer et de nous venir declerer dedans trois jours leur vouloir, et quelles pieces d'artillerie ilz ont entencion de faire <'' ; et lad. declaracion faicte, vous en advertirons. Et au regard de la recherche, nous la ferons ce jourd'uy commancer par lesd. Quarteniers qui nous en feront leur raport par escript, que semblablement vous ferons savoir.

" Mons^r, nous cognoissons bien que estes le vray aucteur de ceste matiere, en vous demonslrant tousjours zélateur de bien public de ceste ville de Paris, et aussi l'avons bien congneu par les parolles que nous en a dittes mond. s^r le premier president, et que sur tout avez bien amplement devisé ensemble et en la presence du Roy à l'onneur et advaritaige de la Ville, dont les habitans d'icelle en general et particulier vous sont grandement attenuz.

"Au surplus, Mons^r, depuis la reception desd, lettres du Roy, a esté fait publier le ban et arriereban par mons^r de Torsy en ceste ville de Paris. Vous savez, Mons^r, les privileiges donnez par le Roy et ses predecesseurs aux bourgois et habitans de Paris, par lesquelz ilz sont et ont tousjours esté tenuz et declerez exemps dud. ban et arriereban, et les a l'on conservez et gardez pour la deffence et garde de la ville. Nous en escripvons lettres au Roy dont vous envoyons le double pour icelles luy presenter, sy voyez que faire se doye. Si vous supplions trés humblement, comme nostre vray protecteur, d'estre cause et tenir la main que led. privileige soit entretenu, ainsi qu'il a tousjours esté par cy devant et mesmement nagueres en l'an mil v^c sept <²>. Et tousjours de plus en plus seront lesd, bourgois et habitans tenuz prier Dieu pour vostre bonne prosperité et santé.

" Mons', il y a des marchans de La Rochelle et de S' Jehan d'Angély qui sont venuz en ceste ville

O Ci-dessus, art. CCLXVII.

C) Voy. ci-dessus, art. CCXXIV et suivants.



	1T4 REGISTRES qui tiennent fiefz ou arrierefiefz demourans en icelle ville. En obeyssant ausquelles, nous sommes assemblez en l'Ostel de la Ville où s'est trouvé mond. s^rle president, qui a grandement remonstré vostre vouloir, auquel mettrons peine obeyr à nostre povoit' comme voz bons et loyaulx subgectz. "Sire, depuis la reception de vozd. lettres a esté publié vostre ban et arriereban en ceste vostred. ville en y comprenant privilegiez et non privilegiez. Nous ne savons sy vostre plaisir est vous servir des habitans d'icelle, tenans fiefz ou arrierefiefz, hors la ville : qui seroit la desnuer totallement de deffence. «A ceste cause, Sire, vous supplions, tant et si trés humblement que faire povons, qu'il vous plaise, en ensuyvant l'amour et bon vouloir que avez de tousjours eu en vostred. ville, vostre plaisir soit que le service qu'ilz doivent à vostre ban et arriereban soit pour vous servir à la garde et deffence de ceste vostred. ville de Paris, qui est la capital de vostre Royaulme, selon la valeur et estimacion de leursd, fiefz et arrierefiefz. "Sire, nous prions Dieu le Createur qu'il vous doint trés bonne vie et longue en prosperité et santé. " A Paris, le xxiii⁰ jour d'Avril. » Et au dessoubz est escript : "Voz trés humbles et trés obeyssans subgectz les Prevost des Marchans et Eschevins de vostre bonne ville de Paris. - Ainsi signé : J. Hesselin. Et au dessus : Au Roy nostre souverain Seigneur. Ensuit la teneur des lettres escriptes à mons" le Chancelier: Teneur des lettres escriptes à mons^1, le Chancelier touchant lad. fortifficacion de la vllle et autres choses. 23 avril. "Nostre trés honoré et redoubté seigneur, tant humblement que faire povons à vostre bonne grace nous recommandons. "Mons^r, nous avons receu lettres du Roy portans creance en la personne de mons' le premier president touchant l'artillerie, recharche, réparacions et for-	DU BUREAU [1512] tifficacions que led. S^r veult eslre faiz en ceste ville de Paris, et aussi des services que lui doivent les habitans d'icelle tenans fiefz et arrierefiefz. "Mons^r, nous avons sur ce fait assemblée en l'Ostel de la ville des Conseillers et Quarteniers d'icelle, et appellé les maistres et gardes des confraries et com-munaultez qui s'y sont trouvez en grant nombre, ausquelz mond. s^r le president a bien amplement exposé le vouloir et intencion du Roy, en persuadent ung chascun specialement quant au fait de l'artillerie d'entendre à s'y employer et de nous venir declerer dedans trois jours leur vouloir, et quelles pieces d'artillerie ilz ont entencion de faire <'' ; et lad. declaracion faicte, vous en advertirons. Et au regard de la recherche, nous la ferons ce jourd'uy commancer par lesd. Quarteniers qui nous en feront leur raport par escript, que semblablement vous ferons savoir. " Mons^r, nous cognoissons bien que estes le vray aucteur de ceste matiere, en vous demonslrant tousjours zélateur de bien public de ceste ville de Paris, et aussi l'avons bien congneu par les parolles que nous en a dittes mond. s^r le premier president, et que sur tout avez bien amplement devisé ensemble et en la presence du Roy à l'onneur et advaritaige de la Ville, dont les habitans d'icelle en general et particulier vous sont grandement attenuz. "Au surplus, Mons^r, depuis la reception desd, lettres du Roy, a esté fait publier le ban et arriereban par mons^r de Torsy en ceste ville de Paris. Vous savez, Mons^r, les privileiges donnez par le Roy et ses predecesseurs aux bourgois et habitans de Paris, par lesquelz ilz sont et ont tousjours esté tenuz et declerez exemps dud. ban et arriereban, et les a l'on conservez et gardez pour la deffence et garde de la ville. Nous en escripvons lettres au Roy dont vous envoyons le double pour icelles luy presenter, sy voyez que faire se doye. Si vous supplions trés humblement, comme nostre vray protecteur, d'estre cause et tenir la main que led. privileige soit entretenu, ainsi qu'il a tousjours esté par cy devant et mesmement nagueres en l'an mil v^c sept <²>. Et tousjours de plus en plus seront lesd, bourgois et habitans tenuz prier Dieu pour vostre bonne prosperité et santé. " Mons', il y a des marchans de La Rochelle et de S' Jehan d'Angély qui sont venuz en ceste ville

	O Ci-dessus, art. CCLXVII. C) Voy. ci-dessus, art. CCXXIV et suivants.